Başqa bir məktub
(əsli ruscadır):
Hörmətli Heydər Əliyeviç!
ASE –nin birinci cildinin buraxılması məsələsi
hələ də həll olunmayıb, redkolleqiyanın
və redaksiya şürasının heyəti
təsdiq olunmayıb. Lazım olan düzəlişlər
və dəqiqləşdirmələri etmişik
və bu barədə MK –ya 27 iyul 1972-ci il tarixli
məktubla bildirmişik. Cildin buraxılmış
müddəti haqqında qərarın olması
nəticəsində redaksiya çox ciddi çətinliklərlə
üzləşir. Bizə ayrılmış
kağız, lideron, karton və başqa materialları
qəbul edə bilmirik və onlardan imtina etməyimiz
ASE –nin gələcək təchizatını
təhlükə qarşısında qoyur.
O biri cildlərin materialları üzərində
işləyə bilmirik, çünki onların
məzmunu, bir çox cəhətdən birinci
cildlə bağlıdır. İkinci cildin
materiallarının bir hissəsi yığıla
bilərdi, amma mətbəə qəbul etmir.
Birinci cildin çap və buraxılış
məsələsinin yubadılması çox
böyük çətinliklər və əngəllərlə
nəticələnə bilər. Respublikadan
kənarda (Omskda, Leninqradda, Moskvada) böyük
əziyyətlərlə çap etdirdiyimiz rəngli
və ağ – qara xəritələr, əlaqədar
orqanların təlimatına görə, köhnəlmiş
hesab olunacaqlar, bu xəritələrin yenidən
tərtib və çap edilməsi isə, böyük
xərclərdən əlavə uzun müddət
vaxt da tələb edəcək.
Sizin çox məşğul olduğunuzu yaxşı
bilirəm, amma, təəsüf ki, ASE-nin birinci
cildinin ləngidilməsi və bununla bağlı
olaraq kollektivin qeyri- normal fəaliyyəti yaradıcı
əməkdaşları işdən soyudur
və peşələrindən yadırğadır.
Sizə müraciət ədərək ASE redaksiyasındakı
son dərəcə gərgin vəziyyəti
nəzərə almanızı, ən yaxın
zamanda Azərbaycan Sovet Ensiklopediyasının
birinci cildinin buraxılması məsələsini
həlletmənizi və bununla da bizim kollektivin
normal işləməsi üçün şərait
yaratmanızı xahiş edirəm.
Rəsul Rza. 4 yanvar 1972
