Mədinə Gülgün (Ələkbərzadə Mədinə Nurulla qızı)

Astraxanbazar şəhəri.
15 noyabr 1962-ci il.
Yoldaş şairə

Salam!

Mən sizin şeirlər kitabınızı oxumuşam (1962). Sizin şeirləriniz mənə olduqca böyük təsir bağışlamışdır.

Sizin əsərlərinizdə mən maraqlı bir şeyə rast gəlmişəm. Elə bu da məni Sizə məktub yazmağa məcbur etdi. Bu ondan ibarətdir ki, Siz demək olar ki, hər bir əsərinizdə, şeirlərinizin əksəriyyətində Təbriz şəhərini arzulayırsınız. Belə guman edirəm ki, Siz Təbrizdə və ya Cənubi Azərbaycanın hansı guşəsində isə anadan olmusunuz.

Xahiş edirəm (şəxsən yox, bütün məktəbimizin adından) öz tərcümeyi-halınızı ətraflı surətdə, yazılı halda mənə göndərəsiniz. Sizin həyat yolunuzla bütün uşaqlarımız maraqlanırlar.

Xudahafiz.

Cavab göndərməyinizi bir daha xahiş edirəm.

Mənim adresim (ünvanım):Astraxanbazar şəhəri, Nizami adına 1№li on bir illik məktəb, IX «d» sinif şagirdi Hüseynov Aydın.