İlyas Əfəndiyev

Əziz dostum İlyas!

Salam!

Yeni yazdığım «Palto»hekayəsini mühakimənə göndərirəm. Lazım bilsən dərc olmaq üçün bir yerə verərsən.

Mənim «Ədəbiyyat və incəsənət» qəzetində olan hekayəmdən bir səs-səmir yoxdur. Bəlkə yaddan çıxıb?

Mənim üçün putyovka düzəltməyi unutma. Mən bu il sanatoriyada dincəlməyi sınaqdan çıxartmaq istəyirəm.Nyutona xəbərdarlıq eləmişəm, sənin yanına gələcək. Mənə putyovka gələn ayın əvvəllərində, bu mümkün olmasa ortalarına lazımdır. Putyovka ucuz olmasın.

Yazıb-pozmaq fikri beynimdən çıxmır.Nə qədər müvəffəqiyyətsizliyə uğrasam da yenə bu işi tərk etmək fikrində deyiləm. Mənə elə gəlir ki, məndə nə isə var, ancaq hələlik kifayət qədər ciddi yanaşmadığıma görəmi, ya az çalışdığımdanmı, nədənsə müvəffəq ola bilmirəm. Ancaq mütləq olacam! Ola bilsin ki, bunlar hamısı məndə bir maniyadır?!

Məndən Nənəyə, Mustafaya, Tofiqə, Elçinə, Teymura çox-çox salam!

Dostun Əli!

Sabirabad. 6 iyun 1961 il.

   

© Musigi Dunyasi