Hörmətli yazıçımız
İ. Əfəndiyevə.
Biz sizin minlərlə oxucular kimi çapdan çıxmış
hər bir əsərinizi böyük maraqla oxuyuruq. Bu
yaxınlarda çapdan çıxan «Körpüsalanlar»
əsərinizi də oxuduq. Bizdə əsərdəki
surətlərə qarşı, eləcə də, sizin
bu surətlərə qarşı münasibətinizdə,
bizə elə gəlir ki, bir anlaşılmamazlıq
var. Biz nəinki Səriyyənin hərəkətələrinə,
əksinə Adilin hərəkətlərinə çox
haqq qazandırırıq. Bizə elə gəlir ki,
Səriyyə çox hallarda həddindən artıq özünü
sərbəst aparır, çox şit hərəkətlərə
yol verir. Adil kimi tək-tək oğlanlar tapılar ki,
qızın bu cür hərəkətlərinə soyuqqanlılıqla
yanaşsın. Adilin kiçik nöqsanlarını nəzərə
almasaq, o dövrümüzün ən müsbət surətlərindən
biridir.
Hörmətli yazıçımız, bəlkə də
biz düzgün başa düşmürük. Əgər
vaxtınız olarsa Adil və Səriyyə haqqında
bizim bu münasibətimizə qarşı öz fikrinizi
bildirəsiniz. Biz sizə çox minnətdar olarıq.
Hörmətlə: Azerenergiyanın QEŞ-nin Yevlax ŞR-nun
mühəndisi – Hüseynov L., texniki – Salmanov Z.
