Hörmətli yazıçı!
«Azərbaycan» jurnalının 10 və 11-ci nömrələrində
çap etdirdiyiniz «Söyüdlü arx» romanı üçün
bir oxucu kimi Sizə –mənim sevimli sənətkarıma
– (mən hələ lap kiçik bir qız ikən Sizin
hekayələrinizi sevərdim, böyük həvəs
və maraqla oxuyardım)-necə təşəkkür
edəcəyimi bilmirəm.
Mən şəxsən Sizi tanımıram. Universitetdə
oxuduğum 5 il içərisində-şair və yazıçıları
sevdiyimə baxmayaraq Sizi görməişəm. Lakin
ürəkdən gələn sözləriniz, məzmunlu
və dolğun əsərləriniz arxasından oxucuya
baxan gülümsər çöhrənizi xəyalımda
canlandırıram.
«Söyüdlü arx»da məni qane etməyən bir
cəhət varsa, o da nə üçün Nuriyyə
Hümmətlə evlənməsin?! Nə üçün
o özündən çox böyük olan yaşlı
bir mühəndisə ərə gedir?
Bilirsinizmi, əziz yazıçı! Romanı oxudum. Lakin
son sətirləri oxuyarkən boğulurdum. Elə bil
iki əllə məni boğur, nəfəs almağa
qoymurdular. Gərilmiş telləri insafsızcasına
qırmaq nəyə lazımdır?!
Hörmətlə.
Pərəstişkar oxucunuz ZEYNƏB ZAMANOVA
19/XI-58 Göyçay, Sovet küçəsi 91 ¹li ev
