Açıq məktub.
(«Söyüdlü arx» romanının müəllifi
İ.Əfəndiyevə).
Xəstəxanada gözləniləz hadisələrin
çox olmasından bir az incimiş kimi idim. Oxumağa
maraqlı bir şey axtarırdım. Axı maraqlı
və bədii cəhətdən qüvvətli yazılan
əsər oxumaq nəinki yorğunluğu, hətta şirin
yuxunu belə yaddan çıxarır. Mən həmin
gecə «Azərbaycan» jurnalının 10-cu nömrəsini
nəzərdən keçirdərkən gəlib sizin
«Söyüdlü arx»ın üzərində durdum.
Burada böyük bir şəhərdən çıxıb
uzaq kəndə işləməyə gəlmək üçün
təyinat kağızı almış kimsəsiz bir
qızın taleyi mənim fikrimi o qədər cəlb
etmişdi ki, heç bir şeylə maraqlanmaq istəmirdim.
Nuriyyə xanımın taleyi məni son dərəcə
narahat edirdi… Jurnalın həmin nömrəsində verilmiş
parçanı oxudum və sovet məktəbində dərs
almış bu cür əxlaqlı bir qızın öz
peşəsinə axıra qədər nə cür
münasibət bəsləməsi məni düşündürməyə
başladı. Mən heç də yanılmadım. Çünki,
Nuriyyə az müddət içərisində kənd
həyatına alışmış, adamları tanımış
və öz gözəl sənətilə zəhmətkeş
kolxozçuların hüsni-rəğbətini qazanmışdır.
Nuriyyə özünə layiq ailə həyatı qurub,
gözəl bir oğlanla birləşdiyi kimi, biri-birindən
ayrı düşmüş iki kəndin adamları da
öz qüvvələrilə «Söyüdlü arxdan»
«Güney qışlağa» su çəkib öz arzularına
qovuşdular. Onlar Nuriyyə xanımın yetişdirdiyi
artistlərlə fəxr etməyə haqlıdırlar.
Əvvəllər orada söz gəzdirən mi-Cimilər
indi hər iki kəndin fəxridirlər.Qoy əsəriniz
haqqında ədəbiyyatçılar rəy versin. Sizin
bu əsərinizlə aydın olur ki, siz qiymətli əsərlər
yaza bilərsiniz.
Hörətli Əfəndiyev! Masallı rayonunun Ədjivan
kəndindən sizə bu məktubu yazmaqda məqsədim
odur ki, bizim rayon haqqında da bir düşünəsiniz.
Kəndimizdə gözəl və həm də qüvvətli
bir ziyalı dəstəsi vardır.Masallı rayon müəllimlərinin
təxminən 20%-ni kəndimizin müəllimləri
verir. Hansı bir sənətkar axtarısansa, onu Ədjivan
kəndində tapa bilərsən. Ali məktəblərdə
və orta ixtisas məktəblərində kəndimizin
çoxluca gənci təhsil alır. Sözün qısası
kəndimiz başdan-başa ixtisaslı mütəxəssislərlə
doludur.
Ədjivandakı Orta məktəbdə ordenli bir müəllim
kənddən çıxan bütün savadlı yoldaşlara
dərs demişdir. Dövlətimiz onun işinə böyük
qiymət verdiyi kimi, xalqımız da ona böyük
hörmət bəsləyir. Məgər bu qocaman müəllim
haqqında gözəl bir əsər yazaq olmazmı.
Hörmətlə, Fərman Əliyev.
Masallı r-n səhiyyə şöbəsinin əməkdaşı.
