Şərifzadə Sadıq
Hüseyn oğlu
Azərbaycan SSR əməkdar
incəsənət xadimi, rəsam – Sadıq
Şərifzadə Azəbaycan Sovet təsviri
incəsənət ustalarının arasında
xüsusi yer tutur.
Sadıq Şərifzadə 1912-ci il dekabr
ayının 5-də Cənubi Azərbaycanda
anadan olmuşdur. 1932-ci ildə Azərbaycan
Dövlət Rəssamlıq texnikumunu bitirdikdən
sonra, 1936-cı ildə Kiyev rəssamlıq
institutuna daxil olur və burada o, məşhur
Ukrayna rəssamları Volokdni, Traximenko və
Qriqoryevin tələbəsi olur.
1939-cu ildə Şərifzadə öz xahişi
ilə Surikov adına Moskva Rəssamlıq
İnstitutuna köçürülür.
1940-cı ildə Şərifzadə institutun
5-ci kursundan Bakıya qayıdır və yaradıcılıq
ilə məşğul olur.
1940-1958-ci illər ərəfəsində
rəssam bir sıra tarixi və müasir mövsularda
rəsm əsərləri yaradır. Şərifzadənin
«Üzüm yığımı», «Səttar
xan Fədailərinin Təbrizi müdafiəsi»,
Sosialist Əməyi qəhrəmanı neftçi
– Ağa Neymətullanın, Sovet İttifaqı
qəhrəmanı Gəray Əsədovun,
sərkərdə Babəkin, SSRİ Xalq artisti
Mirzə Ağa Əliyevin portreti, «Göy-göl»
mənzərəsi, «Dənizdə neft buruqları»,
«Xətib Təbrizi və Əbülüla
Müərri» və bir sıra xalqın qaynar
həyatını təbliğ edən əsərlər
yaradır.
S. Şərifzadə respublikamızda təkçə
boyakar rəsam kimi deyil, o, həm də istedadlı
bir teatr rəssamı kimi tanınmışdır.
Rəsam hələ texnikuma girməmişdən
əvvəl görkəmli teatr xadimləridən
Abbas Mirzə Şərifzadə, Kazım
Ziya, A. A. Tuqanov və başqaları ilə
birlikdə işləmiş və onlardan
teatr sənətinin incəliklərini öyrənmişdir.
Şərifzadənin bədii tərtibtini
verdiyi A. Şaiqin «Fitnə», S. Rüstəmin
«Qaçaq Nəbi», «Qastello», M. Hüseynin «Cavanşir»,
Lope de Veqanın «Sevilya ulduzu», İ. Səfərlinin
«Göz həkimi», İ. Qurbakovun «Əcəb
işə düşdük», İ. İbrahimovun
«Kəndçi qızı» və b. tamaşaçılarda
orijinal bir fikir yaradır.
1958-ci ildə rəssam XYI əsrdə yaşamış
böyük Azərbaycan şairi Məhəmməd
Füzulinin obrazını yaradır və
bu tabloya görə rəssam respublikanın
II dərəcəli mükafatına layiq
görülmüşdür.
1959-cu ildə Şərifzadə öz əsərlərini
Moskvada keçirilmiş Azərbaycan Ədəbiyyat
və İncəsənət ongünlüyündə
nümayış etdirir və elə həmin
ildə ona Azərbaycan təsviri sənətinin
inkişafındakı xidmətlərinə
görə Əməkdar İncəsənət
xadimi adı verilmişdir.
S. Şərifzadə 1986-cı il yanvarın
2-də Bakıda vəfat etmişdir.
