Məmmədli Qulam Əli
Məmməd oğlu
(25.03.1897,
Təbriz – 18.11.1994, Bakı)
1897-ci il mart ayının 25-də Təbrizdə
yoxsul ailədə anadan olmuşdur. Həmin
il o, ailəsi ilə birlikdə Aşqabada
köçür.
İlk təhsilini mollaxanada alan Q. Məmmədli
kiçik yaşlarından mətbəədə
işləmiş və o vaxtdan da mətbuata
maraq göstərmişdir.
1914 – 1923-cü illərdə o, Aşqabadda
türkmən və Azərbaycan dillərində
nəşr olunan «Dan ulduzu», «Sədayi-füqəra»,
«Qızıl yulduz» qəzetlərinin mətbəələrində
mürəttiblik etmişdir.
Q. Məmmədli 1923-cü ildə Bakıya
köçür və III Beynəlmiləl
mətbəəsində işə girir. O,
1929 – 1940-cı illərdə isə «Kommunist»,
«Yeni yol», «Kəndli qəzetəsi», «Azərbaycan
kolxozçusu» qəzetləri redaksiyalarında
çalışmışdır.
Böyük Vətən müharibəsi illərində
o, Təbrizdə nəşr edilən «Vətən
yolunda» qəzeti redaksiyasında siyasi və
ədəbi işçi kimi fəaliyyət
göstərir.
1952 – 1959-u illərdə isə Q. Məmmədli
«Kirpi» jurnalının məsul katibi və
redaktoru olmuşdur.
Q. Məmmədli jurnalistlik fəaliyyəti
ilə yanaşı, Azərbaycan ədəbiyyatı
klasskilərinin ədəbi irsinin toplanması
ilə də məşğul olmuşdur.
O, Fədai, Heyran xanım və Mirzə Əli
Möcuzun əsərlərini toplayıb nəşr
etdirmişdir.
Q. Məmmədli «Xiyabani» (1949), «Azərbaycan
lətifələri» (1954), «Qara və buzov»
(1954), «Atmacalar» (1958, 1961), «Qapı oğrusu»
(1960), «Molla Nasrəddin» (1966), «Cahangir Zeynalov»,
«Hüseyn Ərəblinski» (1968) kimi kitablar
da çap etdirmişdir.
