Əfqanlı Rza Rüstəm
oğlu (Cəfərzadə)
Əfqanlı
Rza Rüstəm oğlu (Cəfərzadə)
– aktyor, Azərbaycan Xalq artisti.
Rza Əfqanlı Rüstəm oğlu 1899-cu
ilin may ayında Cənubi Azərbaycanın
Sərab şəhərinin yaxınlığında
Oğan kəndində anadan olmuşdur. .
Cavan yaşlarından teatra böyük maraq
göstərən Rza Əfqanlı 1923 – 26-cı
illərdə Bakı teatr texnikumunda oxumuşdur.
Hələ tələbə olarkən Azərbaycan
Dövlət teatrının tamaşalarında
çıxış etmiş və uzun müddət
həmin teatrda çalışmışdır.
.
R. Əfqanlı həm klassik, həm də
müasir xarakterli obrazların ifaçısı
kimi tanınır. Onlardan Yaqo («Otello»), Paratov
(«Cehizsiz qız»), general-qubernator («1905-ci ildə»),
Eldar («Vaqif»), Nəbi («Qaçaq Nəbi»), Yaşar
(«Yaşar»), Yarovoy («Lyubov Yarovaya»), Muravyev
(«Qaliblər») və b. göstərmək
olar. .
Azərbaycan kinematoqrafiyası sahəsində
də onun xidmətləri böyükdür.
O, C. Cabbarlı adına «Azərbaycanfilm» studiyasının
istehsalı etdiyi «Bakılılar», «Kəndlilər»,
«Yeni horizont», «26 Bakı komissarı» və
b. filmlərdə əsas rollarda çəkilmişdir.
.
R. Əfqanlı səhnə incəsənətini
inkişaf etdirmək sahəsindəki mədəni
xidmətlərinə görə Lenin ordeni
və Qırmızı Əmək Bayrağı
ordeni ilə təltif olunmuşdur. .
1943-cü ildə ona Respublikanın xalq artisti
kimi yüksək ad verilmiş, 1947-ci ildə
isə SSRİ Dövlət mükafatı
laureatı adına layiq görülmüşdür.
.
R. Əfqanlı 1973-cü ilin noyabr ayının
19-da vəfat etmişdir.
