Abdullayev Əlibaba Əbdül
oğlu
1915-ci ildə Bakı şəhərində
anadan olmuşdur. Ə. Abdullayev ifaçılıq
fəaliyyətinə
1930-cu illərdə Azərbaycan
Dövlət filarmoniyası mahnı və
rəqs ansamblının solisti kimi başlamışdır.
Onun yaradıcılıq bioqrafiyası Milli
rəqs sənətinin təbliğinə
və inkişafına həsr olunmuşdur.
1940-cı illərin əvvələrində
Ə. Abdullayev Azərbaycan Dövlət Mannı
və Rəqs ansamblının rəqs qrupuna
rəhbərlik etmişdir. Eyn zamanda baş
baletmeyster kimi də fəaliyyət göstərmişdir.
Ü. Hacıbəyovun «Arşın mal alan»
musiqili komediyasında, Z. Hacıbəyovun
«Aşıq Qərib» operasında, Z. Paliaşvilinin
«Daisi» operasında və bir sıra bədii
filmlərdə onun quruluş verdiyi parlaq və
koloritli folklor rəqsləri respublika ictimaiyyəti
tərəfindən yüksək qiymətləndirilmişdir.
Ə. Abdullayevin «Vətən
və cəbhə», xoreoqrafiya kompozisiyası,
«Xalqlar dostluğu» məhsul süitaları,
«Vağzalı», «Yallı», «Nəlbəki»
rəqsləri və b. Azərbaycan Xoreoqrafiya
sənətinin qızıl fonduna daxil olmuş
bir çox başqa rəqslər geniş şöhrət
qazanmışdır.
Ə. Abdullayev Azərbaycan Dövlət
Mahnı və Rəqs ansamblının bədii
rəhbəri idi, respublikada özfəaliyyət
rəqs sənətinin inkişafına çoxlu
qüvvə və əmək sərf etmişdir.
Azərbaycan rəqs sənətinin
inkişafında böyük xidmətlərinə
görə Ə. Abdullayev Azərbaycan SSR
xalq artisi fəxri adına layiq görülmüşdür.
O, SSRİ medalları ilə,
Azərbaycan SSR Ali Soveti Rəyasət heyətinin
fəxri fərmanları ilə təltif edilmiş.
