Məmməd Əkbər
(Əkbərov) Həmzə oğlu
Məmməd
Əkbər (Əkbərov) Həmzə oğlu
– jurnalist, yazıçı (1909 - 1974)
M. Əkbər 1909-cu ildə may ayının
5-də Naxçıvan MSSR Ordubad şəhərində
sənətkar ailəsində anadan olmuşdur.
Ordubadda klubda və kitabxanada işləmiş
edərək, öz dünya görüşünü
artırmışdır. Onun «Ordubad klubunun
halı» adlı ilk yazısı 1924-cü
ildə «Yeni fikir» qəzetində dərc edilir.
1925-ci ildə isə Ordubadda yeni açılan
kəndli-gənclər məktəbində
oxuyan M. Əkbər 1927-ci ildə Naxçıvan
pedaqoji texnikumuna göndərilir. Naxçıvan
pedaqoji texnikumunu bitirdikdən sonra «Kəndli
qəzeti»ndə müxbir kimi işləməyə
başlayan M. Əkbər 1929-cu ildə Bakıda
«Kommunist» qəzeti redaksiyasında çalışır.
O, burada Bakı neftçilərinin həyatından
bəhs edən bir sıra oçerklər yazır
və qəzetin səhifələrində
dərc etdirir.
M. Əkbər 1930-cu ildən başlayaraq
hekayələr də yazmış və «İnqilab
və mədəniyyət», «Hücum» jurnallarında
çap etdirmişdir.
1932-ci ildə onun ilk oçerklər və
hekayələr kitabı «Şamdan» Adı
ilə Azərnəşr tərəfindən
nəşr etdirmişdir.
1931 – 1938-ci illərdə M. Əkbər «İnqilab
və mədəniyyət», «Ədəbiyyət
qəzeti», Azərbaycan yazıçılar
orqanı olan müxtəlif qəzet və
jurnalarında jurnalistlik fəaliyyətini
davam etdirmiş və 1944-cü ildən 1959-cu
illər arasında isə «Ədəbiyyat
və incəsənət» qəzetində
məsul katib vəzifəsində çalışmışdır.
40 ildən çox ayrı-ayrı mətbuat
səhifələrində çalışan
M. Əkbərin bir çox oçerk və hekayələr
kitabı nəşr edilmişdir: «Sumqayıtın
gənc quruçuları» (1958), «Həyatımızdan
səhifələr» (1963), «Qaliblər», «Dostlar
və tanışlar» (1965) və s.
O, həm də tərcüməçiliklə
də məşhul olmuş 1951 – 52-ci illər
də Çin, bolqar yazıçılarının
hekayələrini dilimizə tərcümə
etimiş və kitab halında çap etdirmişdir.
M. Əkbərin yazıçılıq və
jurnalistlik fəaliyyəti partiya və hokumət
tərəfindən layiqincə qiymətləndirilmiş
və o, «Qafqazın müdafiəsi uğrunda»,
«1941 – 1945-ci il Vətən müharibəsi
illərində əmək şücətinə
görə» medalları ilə təltif olunmuşdur.
M. Əkbər 1974-cü il dekabr ayının
10-da Bakı şəhərində vəfat
etmişdir.
