Sarıvəlli Osman (Qurbanov
Osman Abdulla oğlu)
Sarıvəlli Osman (Qurbanov Osman
Abdulla oğlu) – Azərbaycan xalq şairi.
1905-ci ildə Qazax rayonunun Şıxlı
kəndində anadan olmuşdur. İlk təhsilini
kənd məktəbində almış, 1926-cı
ildə isə Qazax pedaqoji seminariyasını
bitirdikdən sonra bir müddət Göyçay
rayonunda müəllimlik etmişdir. 1929-cu
ildə O. Sarıvəlli Moskvaya oxumağa
göndərilir. Moskva mühiti onun inkişafına
böyük təsir göstərir. O, «Atamın
oğlu», «Xram uçur», «Baltikdən - Atlantikə»
və bu kimi şeirlərini Moskvada yazır.
O. Sarıvəlli 1932-1936-cı illərdə
Bakı Pedaqoji məktəbində müəllim
işləmişdir. O, 1936 – 1945-ci illərdə
Azərbaycan Sovet Yazıçıları İttifaqında
Şer bölməsinin rəhbəri, ittifaqın
sədri, «Ədəbiyyat qəzeti»nin redaktoru,
Bakı Teatr Texnikumunun direktoru və s. vəzifələrdə
çalışmışdır. Şair Böyük
Vətən müharibəsi illərində
Sovet Ordusu ilə birlikdə İrana getmiş
və Təbrizdə çıxan «Vətən
yolunda» qəzetinin məsul katibi olmuşdur.
Bu illər ərzində o, «Vətən eşqinə»,
«Vur başına dönüm, vur!», «Qafqazdan
Dona doğru» və b. şerlərini yazır.
Müharibədən sonra O.Sarıvəlli
bədii yaradıcılıqla yanaşı,
nəşriyyat işində çalışmışdır.
Şairin «Dəmir sətirlərim» (1934),
«Bənövşə» (1940), «Gənclik eşqi»
(1946), «Bahar çiçəkləri» (1949),
«Balaca dostlar» (1956), «Seçilmiş əsərləri»
(1958, 1962), «İqlimdən iqlimə» (1963).
«Ömrün ötən günləri» (1964)
kimi kitabları çapdan çıxmışdır.
Azərbaycan ədəbiyyatının inkişafında
böyük xidmətinə görə O.
Sarıvəlliyə 1977-ci ildə respublikanın
xalq şairi adı verilmişdir. O, bir sıra
orden və medallarla təltif edilmişdir.
1990-cı il iyulun 3-də Bakıda vəfat
etmişdir.
